Գերմանիայում բանջարեղենի ջերմոցները սկսել են փակվել էներգակիրների գների կտրուկ աճի պատճառով։ Այս մասին կիրակի՝ նոյեմբերի 6-ին, հայտնել է Բավարիայի BR24 ռադիոն։
Նշվում է, որ տեղի գյուղատնտեսները ստիպված են հրաժարվել բանջարեղենի մշակությունից, քանի որ ձմռանը գործընթացը շատ թանկ է ստացվում։ Օրինակ՝ Տանյա և Անդրեաս Էվերսներն ասացին, որ այժմ իրենք չեն կարող իրենց թույլ տալ ջերմոցում պահպանել անհրաժեշտ ջերմաստիճանը, որը ձեռք է բերվում գազով տաքացնելով։ Ամուսինները դժգոհել են, որ չգիտեն, թե ինչ կարժենա բանջարեղեն աճեցնելը, քանի որ գազի պայմանագրի ժամկետը լրանում է տարեվերջին։ Սակայն Էվերը վստահ է, որ ամեն ինչ կթանկանա՝ սկսած պարարտանյութից ու սերմերից։
Գյուղատնտեսները հայտնեցին նաև, որ որոշ հաճախորդներ արդեն սկսել են հրաժարվել չերրի լոլիկի չնախատեսված գնումներից։ Սրա պատճառով էվերները ստիպված են եղել լոլիկի և վարունգի մշակությունը փոխարինել գազարով։ Անդրեասի խոսքով՝ ինքը չի սպասի պետության կողմից աջակցություն, այլ գործերը կվերցնի իր ձեռքը։ Գերմանացին խոստովանել է, որ ցանկանում է ձեռք բերել ՋԷԿ, որը կաշխատի LNG-ով և կարտադրի ջերմություն և էլեկտրաէներգիա։