Կառավարությունը հայտարարել է Արևելյան Վրաստանի կին ֆերմերներին աջակցելու նոր ծրագրի մեկնարկի մասին։
Գյուղերի զարգացման գործակալությունը ջերմոցների կառուցման հարցում կօգնի Մառնեուլիի և Լագոդեխիի մունիցիպալիտետների բնակիչներին, հայտնում է «Նովոստի Գրուզիան»։
Շահառուները կկարողանան ֆինանսավորել աշխատանքի արժեքի մինչև 90%-ը` ընդհանուր առմամբ մինչև 25 հազար լարի (մոտ 8,930 դոլար): Միաժամանակ ծրագրի տակ են մտնում առնվազն 200 քմ մակերեսով ջերմոցները։
Ծրագրի մասնակից կարող են դառնալ մինչև 18 հազար քմ մակերեսով հողամասերի սեփականատեր կամ համասեփականատեր 60-5 տարեկան կանայք։
Առաջնահերթությունը տրվում է սոցիալապես անպաշտպաններին և անչափահաս երեխաներ մեծացնող կանանց։
Բացի ֆինանսական օգնությունից, շահառուներին կտրամադրվի նաև տեխնիկական աջակցություն՝ կանցկացվեն տեսական դասընթաց ջերմոցային տնտեսության կառավարման և կոնկրետ մշակաբույսերի խնամքի վերաբերյալ, գործնական պարապմունքներ կոնկրետ մշակաբույսերի վերաբերյալ:
Ծրագրի ընդհանուր բյուջեն կազմում է $300 հազար, որից $240 հազարը դոնորների ռեսուրսներն են, իսկ $60 հազարը՝ Գյուղական զարգացման գործակալության մասնակցությունը։
Պիլոտային ծրագիրը մշակվել է ՄԱԿ-ի կանանց «Կանանց տնտեսական հզորացում Հարավային Կովկասում» ծրագրի շրջանակներում: Այն ֆինանսավորվում է Շվեյցարիայի և Ավստրիայի կողմից:
Աղբյուր. https://www.fruit-inform.com